IZSTĀDE Viļānu pilsētas bibliotēkā

Viļānu apvienība 15.Jūnijs, 2021, 13:32 Jaunumi

Viļānūs 26 godus izgoja, 1989.godā iz Leldīņu atjaunuotais žurnals, "Katòļu Dzeive".

Latgalīšu rakstneicys Naaizmierstulis stuostu gruomotys "Dīva duorza pučeitis" īspaidā myusu žurnalā beja izveiduota taida poša nūsaukuma rubrika bārnim, kurā tyka publicāti stuosteni i dzejūleiši. Golvonuos itūs dorbu autoris beja školuotuoja Valentina Celeitāne nu Ezernīku i Veronika Teņča-Goldmane nu Kuldīgys.

Taišni latgalīte Naaizmierstule ir puosoku par zīdim žanra aizsuocieja Latvejā, navys Anna Sakse, kai tū vuica školuos latvīšu volūdys i literaturys stuņdēs. Mes ar juos davumu varim eistyn byut lapni i prīcuotīs par tālainū volūdu.

16 godu garumā stuosteņu bārnim ilustratore myusu žurnalā beja muokslineica Maija Podnieka. Ituos myusu breineiguos sadarbeibys rezultatā ir topuši sirsneigī zeimiejumi, kuri niu radzami ari itamā izstuodē. 

Prīcuosimēs kūpā, jo tei ir taida rata izdeveiba, ka, pasateicūt muokslineicys uzjiemeibai, mes varim apsavērt, īsapazeit i nūvērtēt koč nalelu daleņu nu juos pacīteigi dareituo dorba. Paļdis Maijai par īveiktū i daudz rodūšūs īceru prīškdīnom!

Ar cīnu:
Maruta Latkovska, žurnaliste

Iesaki citiem: